عەدنان کەریم - پەیامی من
پەیامی من بەگوێی ئەم دولبەرە نازدارە ڕاناگا
نەسیم بێسیم دەبینێ شل دەبێ بەم كارە ڕاناگا
وتی سەبرت ھەبێ دوبارە دێمە دیتنت ئەمما
لە كورتیدا تەمەن وادیارە بەو دیدارە ڕاناگا
وەكو پەروانە دەوری لێدەدەن لاوانی خۆوڵاتی
گوڵی ئێرە بە ژوانی بولبولی ئاوارە ڕاناگا
نەخۆش و دەردەدار و دڵ بریندارم پەرستارێ
بە حاڵی ئەم دڵە پڕ ژان و پڕ ئازارە ڕاناگا
دەكەی ماچی دەم و لێوان ئەگەر هێز و گوڕێكت بێت
دەنا جوانێك بەدەردی ئاشقی بێ چارە ڕاناگا
دەبێ بولبول لە من فێر بێ غەزەل خوێنی, بەڵام چیبكەم
گرفتارم چریكەم بەو گوڵ و گوڵزارە ڕاناگا