الغضب النرحسى والفرق بينه وبين الغضب الصحى SAM VAKNIN

2 года назад

5,647 Просмотров

الغضب ممكن يكون غضب بناء وممكن يكون غضب مدمر او زى ما بيسميه سام فاكنن هجوم مدمر
لكن الغضب ليه وظائف متعددة ومهمه فى الحقيقه هو حاجه ايجابيه جدا بتعزز التواصل وبتؤدى احيانا لحلول وسط وساعات لتغيير السلوك انا بعتبرة عامل من عوامل التغيير اللى بتأثر على سلوكنا
النهاردة هنناقش الفرق بين الغضب الايجابي والغضب المدمر او الغضب النرجسي
وازاى نعبر عن الغضب اللى جوانا بطريقه بناءه وازاى ان النرجسي فاشل فى فى انه يعبر عن غضبه بطريقه بناءه
فى 3 عناصرلازم يكونزا موجودين علشان نعبر عن الغضب اللى جوانا ويكون الغضب دة غضب بناء
سام فاكنن بيقولك امشي على الوصفه دى وانتى اكيد هتاخدى نتايج ايجابيه لغضبك دة مش هيؤدى غضبك دة لعداء او صراع بالعكس هيخلى حياتك احسن بكتيرعلشان كدة فى 3 قواعد بسيطه امشي عليها
1- عبري عن غضبك بصدق بصراحه بأمانه ماتخافيش وماتتكسفيش ما تلمحيش من بعيد لبعيد ماتقوليش مواضيع تجرح بطريقه العدوان السلبي زى ما بيعمل النرجسي لأ خليكى واضحه ومحددة وواجهى وماتخافيش ماتحوميش حوالين الكلام وتخافى تقوليه ماتحسيش بأى احراج عبري عن غضبك بمنتهى الامانه وماتخافيش اوعى ابدا ابدا تكتمى غضبك اوعى تفضلى تحطى فى نفسك وتكتمى جواكى اوعى تتجاهلى غضبك ماتتصرفيش تصرفات تبان منها انك غضبانه بس مابتتكلميش ماتزعقيش فى العيال وتصرخى فيهم من غير سبب ما تمشيش ترزعى فى الشقه وتنفخى وتقولى استغفر الله العظيم ماتكشريش وتقلبي البيت نكد من غير ماتقولى اللى جواكى وايه اللى مخليكى غضبانه كدة اتكلمى. اوصفى. عبري خلى اللى حواليكى يعرفوا انك غضبانه وغضبانه من ايه بالتحديد
2- افتكرى اننا بنتكلم عن الغضب البناء اللى هو نوع من الغضب بيحول البيئه المحيطه بيكى بطريقه فعاله وليها نتايج ايجابيه عليكى
عبري عن اللى انتى حاسه بيه واللى بيدور فى عقلك من غير ماتلومى حد او ترمى المسئوليه على حد يعنى بدل ماتقولى مثلا لأولادك انتو السبب اللى مخلينى عايشه العيشه دى انتو لو مش موجودين فى الدنيا اكيد كنت هبقى فى حته تانيه وعايشه عيشه تانيه لأ
تقولى انا مش مرتاحه نهائي
انا غضبانه ومتضايقه جدا
انا مش كويسه انا مش مبسوطه انا حزينه وانت او انتم تقدروا تعملوا حاجه اكيد فى اللى انا فيه دة انتو تقدروا تساعدونىانا محتاجه مساعدتكم توصفى حالتك الذهنيه وانتى حاسه بأيه ركزى على نفسك وعلى طريقتك فى التواصل مع اللى جواكى
3- تالت عنصر معانا اطلبى من الطرف الاخر التغيير يبقى هتعبري عن غضبك بوضوح وامانه ومش هتلفى وتدورى وكمان هتركزى على مشاعرك انتى ومش هتتهمى حد انه السبب فيها ولا هتركزى مع حد غير نفسك تالت حاجه بقه هتطلبي التغيير تطلبي من الناس اللى حواليكى انهم يتصرفوا بطريقه مختلفه معاكى يتكلموا بطريقه مختلفه تصرفات جديدة اطلبي من الناس تتغير علشان يفهموا مشاعرك الداخليه وكمان يحترموا غضبك ويكونوا سبب فى التقليل من هذا الغضب ممكن حد يجى يقولك انا هتغير لو انتى اتغيرتى تحسي بيقايضك خليكى حازمه ماتبقيش ضعيفه وخاضعه ولا تبقى عدوانيه فقط حازمه الغضب علشان يكون بناء لازم يكون بيعمل تغيير
طيب ايه الفرق انى اكون حازمه وانى اكون عدوانيه فى ناس فاكرة انك لما تتكلمى بطريقه حازمه فيها وضوح وصرامه انك عدوانيه وهجوميه لأ بالعكس فى الجقيقه التصرفين عكس بعض تماما العدوانى بيكون بيتصرف بعدوانيه لانه خايف فبيدافع عن نفسه بأنه يهاجم لكن الحازم والصارم بيكون واثق جدا من نفسه عارف يعنى ايه حدودة ومش مسموح ازاى لحد انه يتخطاها الحازم شخص بيثق فى نفسه بيحترم نفسه عارف قيمه نفسه ومنظم مشاعرة الداخليه بحيث ان مش اى حاجه تأثر فيه
الشخص الحازم بيدافع عن نفسه بشكل كويس مفيهوش ايذاء للأخرين عارف حدودة وبيقف عندها كويس اوى الشخص العدوانى او المؤذى دايما بيتعدى حدودة وبيقف يراقبك يشوف لما تخطى حدودة معاكى هتعملى ايه الشخص الحازم الواثق فى نفسه بيتناقش الشخص العدوانى بيهاجم مش بيعرف يتناقش
الشخص الحازم شخص بناء ايجابي مليان طاقه ايجابيه وعايز يطور من نفسه ومن كل اللى بيتعامل معاهم لكن الشخص العدوانى او المؤذى شخص سلبي مليان احباط وطاقه سلبيه ونظرته للحياة نظرة سوداويه بيدمر نفسه وبيدمر اللى حواليه
علشان كدة فى فرق كبير بين الغضب الصحى والغضب المدمر وخصوصا الغضب النرجسي
الغضب النرجسي ظاهرة فريدة من نوعها عامل زى الطفل المتدلع المدلل جدا لما بيعمل نوبه غضب شديدة لأن ببساطه النرجسي طفل توقف نموة العقلى والعاطفى عند عمر السنتين والمحظوظ اوى منهم ممكن يكون وصل لسن 9 سنين مش اكتر من كدة النرجسي وخصوصا السيكوباتى دايما بيقولك انه عصبي وانه بيتنرفز بسرعه وانه ما بيتحملش الاستفزاز وان روحه فى مناخيرة وخلقه ضيق يعنى بمعنى اصح كدة بيرسملك الكاتالوج اللى هتمشي عليه لو فكرتى انك تغضبيه
الغضب النرجسي مابيهداش مع الوقت زى الغضب العادى بالعكس دة بيزيد وبيكون اكثر قسوة جربتى كدة النرجسي يبقى متغاظ وطايح فى البيت بيزعق وبيكسر وانتى تقوليله طيب هسيبك لحد ماتهدى بزمتك بيهدى ولا بيزيد اكتر واليوم اللى بعدة لو قررتى تسيبيه لغايه ما يتهد ويتخمد يمكن يقوم الصبح هادى ونعرف نتكلم بتلاقيه هادى ولا بتلاقيه اكثر حقد وغضب ونفور وقسوة هنا غضبه بيكون مدمر مش غضب بناء ابدا ما بيطلعش بالحياة لقدام ما بيخليكيش احسن فى العلاقه بالعكس دة بيدمرك ما بيطلعش اى قرارات ايجابيهما بيؤديش لأى تغيير
النرجسي لما بيطلع فى شرة وفى غضبه بيكون بيعبرلك هو اد ايه مجروح جرح نرجسي وعايز يرميه عليكى يعنى عايز يجرحك زى ماهو مجروح عايز يوجعك عايز ينقلك غضبه دة لكن النرجسي ما بيقدرش يعبر عن غضبه بالطريقه الصحيه اللى اتكلمنا عنها مابيقدرش يبينلك حتى انه محبط وحزين وجواة مشاعر عميقه من الاكتئاب

Тэги: