"ХУРДАН ЗЭЭРД" - АЖ А.ЗАГДСҮРЭН

Энэ сайхан хүний нэвтрүүлгийг оны өмнө үзсэн. Үнэхээр гайхамшигтай дуучин байжээ. Олон сайхан дууг нь дахин сонсмоор байна. Хаанаас олох вэ?

Өнөөдөр олон сайн дуучид байгаа боловч Загдсүрэн гуайд бараадах нэг ч хүн алга даа .

ГАЙХАМШИГ юм даа, одоо Монголчууд Загдсурэн гуайн дуулсан Сайхан дуунуудаар бурдсэн туухчилсэн Кино хийх хэрэгтэй, Номин сайд аа

Аавын маань дуулдаг ганц дуудаа.
Энэ дэлхийн гайхамшиг алтан гургалдай хоолойтой дуучин .

Wow, what an amazing voice, beautiful. Pat 🏴󠁧󠁢󠁥󠁮󠁧󠁿

Ээж минь биширдэг байсан сайхан дуучин

ГАЙХАЛТАЙ САЙХАН ХООЛОЙ ,ЯНЗТАЙ ГОЁ

Өнөөдрийг хүртэл энэ дууг ингэж амьдруулж дуулж чадсан нэг ч дуучин барианд орж чадаагүй тоосонд нь дарагдаад л явж байна даа

Баярлалаа . Хүндэлж биширч явдаг сайхан дуучны сайхан дууг оруулсан байна.

jinhene altan gurgaldain hooloi gej ene baihaa

Классик юмаа... .

Сайхан бичлэг оруулсанд МАШ ИХ БАЯРЛАЛАА.

"ХУРДАН ЗЭЭРД" - АЖ А.ЗАГДСҮРЭН

НАМТАР: МОНГОЛЫН ДУУРИЙН ХАТАН ХААН, ХХ ЗУУНЫ ДУУРИЙН МАНЛАЙ ДУУЧИН, МОНГОЛ УЛСЫН АРДЫН ЖҮЖИГЧИН АЮУШИЙН ЗАГДСҮРЭН бол Монголын дуурийн урлагийн түүхэнд гарсан давтагдашгүй гайхамшигт хоолойтой дуучин билээ. Тэрээр Монголын анхны мэрэгжлийн эмэгтэй дуурийн дуучин бөгөөд 1959 онд Чайковскийн нэрэмжит Москвагийн Хөгжмийн Их Сургуулийг төгсөхөд түүний багш нар "Загдсүрэн бол гайхамшигтай хоолойтой, дэлхийн тайзан дээр л дуулах дуурийн дуучин" хэмээн биширч байжээ. 1963 онд ДБУЭТ-ын тайзнаа Чайковскийн "Евгений Онегин" дуурийн Татьяна-гийн дүрд дэлхийн дуурийн дуучны өндөр түвшинд дуулж, Монголын дуурийн алтан тайзнаа Загдсүрэнгийн 20 гаруй жилийн түүхт эрин үе эхэлжээ. УДБЭТ-ын тайзнаа 1959-1981 оны хооронд дэлхийн ба үндэсний 30 гаруй дууриудад дуулсан бөгөөд түүний бүтээсэн гол дүрүүдийн дунд Пуччинигийн "Чио-Чио сан" дуурийн Эрвээхэй хатагтай, Даргомыжскийн "Лусын дагина" дуурийн Лусын дагина, Чайковскийн "Евгений Онегин" дуурийн Татьянагийн дүрүүд нь уран сайхны болоод дуулах ур зүйн хувьд Монголын дуурийн түүхэнд давтагдашгүй хэвээр юм. 1981 онд Дж.Пуччинийн "Тоска" дуурийн Тоска-д дуулахад бэлэн болсон байтал тухайн үед УДБЭТ-ыг эзэгнэхийг санаархагч хүмүүс Загдсүрэнг ид дуулж байсан оргил үе дээр нь УДБЭТ-аас гаргасан гашуун түүхийг манай ард түмэн сайн мэддэг билээ. Монголын нэрт хөгжмийн зохиолч Н.Жанцанноров "Монголчууд бид дэлхийн хэмжээний тийм том дуурийн дуучинтай байснаараа бахархах ёстой. Загдсүрэн гуайн уран бүтээлийг нарийвчлан судлаж, хойч үедээ өвлүүлэн таниулах нь бидний үүрэг юм" хэмээн Загдсүрэнгийн авъяас билэгийг дүгнэн хэлсэн бол Оросын нэрт хөгжмийн зохиолч Г.Свиридов "Монголын сопрано Загдсүрэнгийн дуулсан Татьяна, Лусын дагина бол дэлхийн дуулаачийн ур зүйн оргил юм. Монголчууд энэ гайхамшигт дуучнаараа бахархах ёстой" хэмээн "Советская Культура" сэтгүүлд бичжээ. Монголын нэрт хөгжмийн зохиолчид, яруу найрагчид Загдсүрэнд зориулж сор болсон бүтээлүүдээ туурвижээ. Тэрээр 200 гаруй дуу, романсуудыг анх амьдруулж Монголын дууны урлагийн түүхэнд хамгийн олон дуу, романсын урын сантай дуучин хэвээр байгаа билээ. Загдсүрэнгийн яруу тунгалаг хоолойны цар хүрээ, хүч чадал нь гадаадын хөгжмийн мэргэжилтнүүдийг бишрүүлж, тэд Загдсүрэнг дэлхийн алдарт сопрано Мария Каллас, Рената Тебальди, Галина Вишневская нартай зүйрлэн "Монголын Мария Каллас" хэмээн өргөмжилсөн бол манай ард түмэн Загдсүрэнг "Монголын Дуурийн Хатан Хаан" хэмээн өргөмжилсөн билээ. Загдсүрэн 70 нас хол давсан үедээ ч дэлхийн дуурийн ари, романсууд болоод Н.Жанцанноровын "Аргалд явсан ээжий", Б.Шаравын "Аав ээжийн нутаг", "Аав ээж хоёр минь" сонгодог дуунуудыг дуулж бичүүлсэн, цуцашгүй ясны хоолойтой дуучин байлаа. Монголын гайхамшгийн нэгэн бол 20-р зууны дуурийн манлай агуу дуучин Ардын Жүжигчин АЮУШИЙН ЗАГДСҮРЭН билээ.